Çəhrayı dovşanalması

Çəhrayı dovşanalması
Elmi təsnifat
Domen: Eukariotlar Klad: Diaphoretickes Ranqsız: Arxeplastidlər Aləm: Bitkilər Klad: Streptofitlər Klad: Embryophytes Klad: Polysporangiophytes Klad: Tracheophytes Klad: Toxumlu bitkilər Klad: Çiçəkli bitkilər Klad: Eudicots Klad: Core eudicots Klad: Superrosids Klad: Rosids Klad: Fabids Dəstə: Gülçiçəklilər Fəsilə: Gülçiçəyikimilər Yarımfəsilə: Gavalıkimilər Triba: Maleae Yarımtriba: Malinae Cins: Dovşanalması Növ: Çəhrayı dovşanalması
Beynəlxalq elmi adı
Cotoneaster roseus Edgew., 1846
Şəkil axtarışı ITIS   836462 NCBI   1143227 EOL   231314

Çəhrayı dovşanalması (lat. Cotoneaster roseus) — bitkilər aləminin gülçiçəklilər dəstəsinin gülçiçəyikimilər fəsiləsinin dovşanalması cinsinə aid bitki növü.

Təbii yayılması

Təbii halda Pakistanda, İranda, Hindistanda daşlı-qayalı sahələrdə yayılmışdır.

Botaniki təsviri

Kolun hündürlüyü 2 m-dək, seyrək çətirli və elastik, qonur, parlaq zoğludur. Yarpaqları yumurtavari və ya ellipsvari, uzunluğu 5 sm-dəkdir. Çiçəkləri şaxələnmiş ləçəkli, çəhrayı, sıx qalxanlarda yerləşir. Meyvələri tutqun qırmızı, 7 mm-dək, çəyirdəkləri 2-dir. Çəhrayı dovşanalması hər il may-iyunda çiçəkləyir, sentyabrda meyvə verir, toxumlarını özü səpir. Uzunömürlüdür, 30–40 il yaşayır.

Ekologiyası

Soyuğa və quraqlığa davamlı, işıqsevən, torpağa tələbkar deyil. Duza, toza, qaza davamlıdır. Zərərverici və xəstəliklərə az yoluxur.

Azərbaycanda yayılması

Abşeron və yarımadaya yaxın yerlərdə, park və bağlarda geniş şəkildə becərilir.

İstifadəsi

Çiçəkləmə və meyvəvermə dövründə çox dekorativdir. Müxtəlif şəhər əkinlərində geniş istifadə etmək üçün tövsiyə olunur.